Onbide

Arabako Lurralde Historikoan egoera txarrean dauden pertsonei lan-merkatuan sartzen laguntzeko helburu orokorra gauzatze aldera, ez da nahikoa onuradunak sortzen doazen enplegu-sektore berrietan prestatzea; beharrezkoa da baita ere gizarteko, ekonomiako eta beste arlo batzuetako solaskide ezberdinekin harremanetan jartzea, pertsona horiek lan-baldintza egokiak dituztela eta lan-merkatuan jarraituko dutela bermatzeko.

Horretarako, zabalkunde-plana diseinatu da gizarteko eta ekonomiako eragile ezberdinak, administrazioko teknikariak eta garapen lokalaren eremuan (batez ere enpleguari dagokionez) diharduten elkarteetako ordezkariak elkarri ezagutarazteko eta elkarrekin harremanetan jartzeko.

AURREIKUSITAKO JARDUNAK

1. Tokiko administrazioa

Aurretik egindako ikerketan garbi adierazten zaigu Arabako Lurralde Historikoko entitate lokalek administrazio-egitura ezberdinak dituztela -eta, gainera, eskumen ezberdinak dituztela-. Onuradunak prestatzeko eta horiei praktikak eta lana bilatzeko jarraibideak eskaintzeko egin diren esku-hartzeak ezagutarazte aldera, estrategia ezberdinak proposatu dira::

• 1- Informazio-liburuxkak kaleratzea; horietan honakoak jasoko dira: ikastaroen edukiak, hautaketa-irizpideak, laguntza osagarriak, eta leku jakin bateko lan-merkatuari eta laneratzeko enpresaren zerbitzuei buruzko azterketaren eta ikuspegien laburpena.
• 2- Eremu bakoitzeko teknikariei honakoak jakinaraztea: programaren prestakuntza-aukera, egindako ikerketen emaitzak eta enpresak abian jarri dituen adiskidetze-neurri berriak.

2. Inguruko enpresak

Entitate lokaletan kokatzen diren enpresak -Gasteizkoak izan ezik- txikiak edo ertainak dira. Langile berriak hartzeko orduan, informazio-bide formalak eta informalak erabiltzen dituzte eta udalerrian bertan bizi diren pertsonei eman ohi diete lehentasuna.

Egindako esku-hartzea aditzera emateko, esparru ezberdinak proposatuta dira eta guztietan aplika daiteke bitartekotzako ekintza. Hona hemen esparru horiek:

• 1- Mahai-ingurua antolatzea administrazio eta enpresa ezberdinetako teknikariekin eta agente ekonomikoekin, entitate bakoitzak enpleguaren eremuan dituen zailtasunak agerian uzteko.
• 2- Eztabaida-foroa sortzea proiektuaren web orrian.
• 3- Web orrian sentsibilizazioko gune irekia sortzea, besteak beste, enpresek lan-eskaintzak aurkez ditzaten.

3. Biztanleak, oro har

Esku-hartze proposamen hau Arabako Lurralde Historikoko lan-merkatua aztertu ondoren eta lan-merkatu horretan sartzeko gizonezkoen eta emakumezkoen artean desberdintasuna dagoela ikusi ondoren egin da.

Halaber, laguntza-neurri osagarriak ere barneratu dira, besteak beste, bekak, lana eta familia-bizitza uztartze aldera ordutegiak moldatzeko aukera, e.a. Neurri horiek ez dira ohikoak administrazio eta entitate pribatuek eskaintzen duten trebakuntzan.

Jardun horien berri emateak, biztanleria aktiboarengan gogoa piz dezake sortzen doazen sektoreetako gaikuntza-prozesuetan parte hartzeko eta behar zehatzetara hobeto egokitzen diren aldaketa-proposamenak egiteko.

Erabil daitezkeen estrategiak:

• 1- Udaleko lokaletan topaketak egitea -kafe-hizketaldia, informazio-hitzaldia...-, egindako esku-hartzearen berri emateko
• 2- Irratsaioak eskaintzea tokiko irratietan, esku-hartze horren zailtasunei eta aukerei buruz informatzeko eta eztabaidatzeko.
• 3- Inguruko berrietarako atala duten aldizkari eta egunkarietan artikuluak jartzea
• 4- Informazio hori trebakuntzarekin eta enpleguarekin zerikusia duten web orrietan eta dagokion kuadrillaren, udalerriaren edo elkartearen orrietan barneratzea.
• 5- Telefono-zenbakia edo erreferentziazko kontaktua ematea, informazio gehiago nahi izanez gero