Onbide

Gizartearen partaide izatea gizarte-ingurunean eragiteko ahalmena eta parte hartzeko gogoa izatea da, ingurunearen beraren kalitatea eta komunitatearena hobetze aldera. Halaber, oinarrizko gizarte-eskubideez eta bizitzako aukerez gozatzea da; laburbilduz, hiritar-eskubideaz baliatzeko aukera izatea.

Gizarteratzea pertsonak oro har bere inguruan duen partaidetza-maila eta horren kalitatea definitzen dituen egoera da.

Gizarteratzea sustatzeko ekintzek pertsonei bizitza kolektiboaren kide izateko behar-beharrezkoa dutena lortzen laguntzen diete eta gizartearen gainerakoari zerbait eman diezaioten ahalbidetzen. Ekintza horiek, gainera, komunitateak helburu hori lortzen lagun dezan bideratuta egongo dira. Ekintzak lanean eta negoziazioan oinarritzen dira, pertsona edo talde guztiek komunitatean euren lekua lantzen joan daitezen, baloratu eta onartzen diren zereginen bidez.

Gizarteratze-egoera definitzen duten elementuak honako hauek dira:

• Gizarte-eskubideez baliatzeko aukerak izatea (osasuna, etxebizitza, hezkuntza...)
• Baliabide ekonomiko nahikoak izatea biztanle kontsumitzailea izateko; alegia, oinarrizko beharrak beteta izatea.
• Identifikazio eta autoafirmazioko prozesu pertsonalak garatzen laguntzen duen jardueraren batean aritzea (nola lan-jarduera hala gizarte-jarduera)
• Harremanen sarea izatea (familia- eta gizarte-laguntza...)
• Kanpotik datozen edo jatorria kulturan duten elementu estresagarririk ez egotea (xenofobia, adin, sexu edo arrazagatiko diskriminazioa...), ezta barrutik datozen edo jatorria pertsonarengan duten elementurik ere (minusbaliotasunak, gaixotasunak...)

Elementu horiek gizarteratze-prozesuak dimentsio askotarikoak direla azpimarratzen dute.